Trosolwg o Fframwaith NEUTAPS
Wedi'i sefydlu gan y sector cyhoeddus, ar gyfer y sector cyhoeddus, mae NEUTAPS yn cynnig llwybr cyflym a hawdd o'r dechrau i'r diwedd i'r farchnad sy'n cydymffurfio â Deddf Caffael 2023. Mae ein Partner Fframwaith (y Gwerthwr Niwtral) yn darparu gwasanaeth cyfryngol, gan gefnogi caffael sy'n cydymffurfio a dod o hyd i wasanaethau ymgynghori proffesiynol a thechnegol yn effeithlon ar draws ystod eang o ddisgyblaethau.
Bydd y Gwerthwr Niwtral yn arwain ac yn cynghori Cwsmeriaid yn arbenigol, a'r Cwsmer fydd y prif benderfynwr o hyd. Drwy gadwyn gyflenwi helaeth sy'n cael ei rheoli'n weithredol a'i rhag-fetio, bydd y Gwerthwr Niwtral yn cefnogi Cwsmeriaid i ddod o hyd i'r ateb cywir i'w gofynion.
Mae cronfa darparwyr cadwyn gyflenwi'r Gwerthwr Niwtral yn agored ac yn hygyrch i gyflenwyr newydd yn barhaus, yn rhad ac am ddim. I ddysgu sut i ddod yn ddarparwr cymeradwy, cliciwch yma.
Mae'r fframwaith yn darparu mynediad syml, hyblyg a thryloyw at ystod helaeth ac amrywiol o ddarparwyr sydd wedi'u rhag-fetio drwy gadwyn gyflenwi'r gwerthwr niwtral. Mae model gwasanaeth a reolir y gwerthwr niwtral yn agor y farchnad, gan ddileu rhwystrau caffael traddodiadol a chaniatáu mynediad uniongyrchol at ystod eang o ddarparwyr gwasanaethau proffesiynol neu ymgynghori, ar draws arbenigeddau amrywiol.
Fel Fframwaith un cyflenwr, gall Cwsmeriaid benodi'r Gwerthwr Niwtral heb gystadleuaeth bellach (dyfarniad uniongyrchol).
Egwyddorion Allweddol Gwerthwr Niwtral yw:
Niwtraliaeth – dim darparwyr a ffefrirTryloywder – gwelededd o'r broses benodi a'r costau
Gwerth am Arian y gellir ei ddangos
Darparu cyngor ac arweiniad arbenigol i Gwsmeriaid
Ein cenhadaeth yw sicrhau caffael sy'n gymdeithasol gyfrifol a threfniadau sy'n cynnig y gwerth gorau drwy gaffael cystadleuol, gan ysgogi gwelliant parhaus ac arfer gorau. Nod NEUTAPS yw manteisio i'r eithaf ar bŵer prynu'r Sector Cyhoeddus a sicrhau hefyd bod pob £ a werir yn galluogi adfywio a thwf, gan wireddu gwerth cymdeithasol a buddion cymunedol ar lefel leol a chenedlaethol.
Egwyddorion craidd
Prynwyr proffil uchel + Ystod lawn o Gyflenwyr drwy gadwyn gyflenwi sydd wedi'i rhag-fetio
+ Cydweithio
+ Ffocws hirdymor + Hyblygrwydd cyfredol
Dull cynhwysol + Rhannu gwybodaeth
+ Gwelliant parhaus
= Llwybr effeithiol i'r farchnad
Mae'r fframwaith yn agored i bob awdurdod contractio ym mhob rhanbarth gweinyddol o'r DU (fel y'i diffinnir gan Ddeddf Caffael 2023), gan gynnwys, ond heb fod yn gyfyngedig i, Adrannau'r Llywodraeth Ganolog a'u Cyrff Hyd Braich a'u Hasiantaethau, Cyrff Cyhoeddus Anadrannol, Cyrff y GIG ac Awdurdodau Lleol, gan gynnwys unrhyw olynydd iddynt wrth arfer eu swyddogaethau statudol neu gyhoeddus.
Mae NEUTAPS wedi ymrwymo i gaffael sy'n gymdeithasol gyfrifol, a disgwylir i brynwyr a'r partner fframwaith sicrhau llesiant cymdeithasol, economaidd, amgylcheddol a diwylliannol drwy:
- buddion cymunedol
- cyflogaeth foesegol
- cefnogi busnesau bach a chanolig a
- hybu'r economi leol.
Dechreuodd Fframwaith NEUTAPS ar 1 Mehefin 2026 am gyfnod o 4 blynedd hyd at 31 Mai 2030.
I gael rhagor o wybodaeth am y buddion y mae'r fframwaith yn eu cynnig, gan gynnwys buddion ariannol, effeithlonrwydd, cymunedol ac arfer gorau, cliciwch yma.
fuddion i’r gymuned
cyflogaeth foesegol
cefnogi busnesau bach a chanolig a
hybu'r economi leol
Y tîm fframwaith
Hayley Evans
Swyddog Caffael
Mae gan Hayley dros 6 blynedd o brofiad o weithio o fewn y Sector Cyhoeddus. Mae wedi gweithio ar gaffaeliadau Gwasanaethau Proffesiynol proffil uchel ac mae ganddi wybodaeth helaeth am weithredu a defnyddio systemau rheoli categorïau ac eGaffael. Yn ei rôl bresennol fel Uwch Arbenigwr Categori yn y tîm Corfforaethol mae’n gofalu am: Gwasanaethau Proffesiynol TGCh a Bwyd yn ogystal â bod yn Swyddog Caffael ar gyfer gwasanaethau technegol a phroffesiynol De-ddwyrain a Chanolbarth Cymru (NUETAPS).
Cysylltwch â fi
