Cyflenwyr galluog sydd wedi cymhwyso ymlaen llaw

Mae ffocws cynyddol ar gyflawni lles cymdeithasol, economaidd, amgylcheddol a diwylliannol drwy’r ffordd y mae’r sector cyhoeddus yn rheoli ei weithgareddau caffael.
Mae NUETAPS a'i Gyflenwyr wedi ymrwymo i'r Siarter Gwerth Cymdeithasol i gefnogi'r gwaith o gyflawni’r chwe maes blaenoriaeth allweddol sy'n cynrychioli ei werthoedd a'i gredoau;

Hyfforddiant a Chyflogaeth Leol – creu cyfleoedd cyflogaeth a hyfforddiant cynhwysol i bobl leol er mwyn lleihau diweithdra a gwella lefel sgiliau ein gweithlu, yn enwedig mewn grwpiau targed megis pobl sydd wedi bod yn ddi-waith am gyfnodau hir.

Rhoi Cymru’n Gyntaf – cofnodi’r effeithiau cymdeithasol ac economaidd o brynu’n lleol wrth gomisiynu a chontractio, a gofyn i’n cyflenwyr a’n contractwyr i wneud yr un peth.

Partneriaid mewn Cymunedau – chwarae rôl actif yn y gymuned leol a chefnogi sefydliadau cymunedol, yn enwedig mewn ardaloedd a chymunedau sydd â’r angen mwyaf.

Gwyrdd a Chynaliadwy – amddiffyn yr amgylchedd, lleihau gwastraff, lleihau’r defnydd o ynni a defnyddio adnoddau mewn modd effeithlon.

Cyflogaeth Foesol – defnyddio’r safonau moesol uchaf posibl wrth ein gwaith a gwaith ein cadwyni cyflenwi.

Hyrwyddo Lles Pobl Ifanc ac Oedolion sy’n Agored i Niwed – gweithio gyda chefnogaeth y gymuned gyfan gan gynnwys busnesau lleol, gan ddiogelu a hyrwyddo hawliau plant, pobl ifanc ac oedolion sy’n agored i niwed.

Ynghyd ag unrhyw ofynion deddfwriaethol a pholisi cysylltiedig ehangach.

Yn ogystal, gwnaed darpariaeth ar gyfer cynnwys buddion cymunedol yn y cam galw i ffwrdd.

Bydd y Fframwaith yn ceisio datblygu nifer o Ddangosyddion Perfformiad Allweddol sy'n gysylltiedig â Gwerth Cymdeithasol o fewn ei Drefn Monitro ac Adolygu Perfformiad. Bydd rhai'n cael eu sefydlu ar lefel Fframwaith, o reidrwydd yn datganoli i brosiectau unigol a ddarperir o dan Gontractau yn ôl y Gofyn yn unol â'r Cytundeb. Gall tendrau ar gyfer Contractau yn ôl y Gofyn hefyd gynnwys Gwerth Cymdeithasol yng nghwmpas eu gofynion a/neu yn y meini prawf dyfarnu.

Rheolwyd y tendr ar gyfer NUETAPS gan Gyngor Sir Dinas a Sir Caerdydd a gwahoddwyd cyflenwyr i dendro ar 20 Tachwedd 2020. Dyfarnwyd contractau ar 7 Ebrill 2021 gyda’r contractwyr yn darparu amrywiaeth o wasanaethau technegol a phroffesiynol.

• Matrix SCM Ltd

Dechreuodd fframwaith NUETAPS ar 19 Ebrill 2021, i barhau tan 18 Ebrill 2025, am gyfnod o 4 blynedd, gydag opsiwn i ymestyn i 18 Ebrill 2027.

Lotiau NUETAPS

Mae'r gwasanaethau sy'n cael ei wneud ar y fframwaith wedi'i rannu'n lotiau ac nid oedd unrhyw gyfyngiadau ar nifer y lotiau y gallai cyflenwyr wneud cais amdanynt